apostando pol cine fechu en xixón y asturies
Xixón ye una ciudá estrechamente venceyada al cine. Dende les primeres tomes cinematógrafiques asturianes nes que’l muru de San Llorienzu yera’l so protagonista, seguíes d’aquelles nes que les cigarreres de Cimavilla salíen de la Fábrica qu’Izquierda Xunida-Bloque por Asturies va convertir en sé de la Filmoteca Asturiana.
Esta nun ye la única apuesta que facemos poles artes escéniques y pol mundu del cine, na prósima llexislatura vamos crear una Film Commision que fomente la estabilidá de les empreses asturianes y xixoneses empobinaes a la creación audiovisual. El nuesu sofiu al ITAE ye otra de les grandes apuestes que dende IX-BA-LV de Xixón proponemos a la nuesa ciudadanía pa tener un Xixón de Cine.
La Filmoteca de Asturies en Xixón
Dende Izquierda Xunida-Bloque por Asturies apostamos pa que l’edificiu de la fábrica de tabacos de Cimavilla se convierta nun Centru Cultural de primer nivel que dea cabida a entidaes y
instutuciones culturales como la Filmoteca d’Asturies.
Dende la so creación en 1996 la Filmoteca d’Asturies mantién la reivindicación de cuntar con una sede digna na que facer les sos actividaes, un espaciu que preserve los sos fondos documentales, un espaciu nel que se desenvolver y medrar, un espaciu propiu pa amuesar los sos ciclos. Un espaciu pa la consulta de los fondos cinematográficos, y que xunta al Muséu del Pueblu d’Asturies configure a Xixón como’l centru cultural d’Asturies
Apostamos pol cine fechu en Xixón y Asturies, poro vamos crear la Film Commission (Comisión del Cine) d’Asturies en Xixón, una oficina que va favorecer el rodaxe de películes na nuesa ciudá y
n’Asturies. Un serviciu pa promocionar y desarrollar la industria audiovisual.
Dende Izquierda Xunida-Bloque por Asturies-Los Verdes consideramos que’l futuru Centru Cultural de Cimavilla ye’l sitiu más afayadizu pa que la Filmoteca d’Asturies tenga la so sede permanente. Una sede que va valir de referente pa la consulta de los fondos cinematográficos asturianos, y que xunta col Muséu del Pueblu d’Asturies configure a Xixón como’l centru cultural d’Asturies.
La rellación de Xixón col cine ye llarga y continuada nel tiempu, dende les primeres tomes cinematográfiques de 1897 hasta los nuesos díes, Xixón fue, y sigue siendo una ciudá de referencia pa les artes cinematográfiques. La cellebración añal del Festival de Cine, el Centru d’Interpretación del Cine; la Escuela de Teatru y Interpretación de les Artes Escéniques viveru d’actores y actrices asturianos contribui tamién al fomentu d’esti arte na nuesa ciudá.