Un pactu local colos empresarios pa xestionar un Plan de Dinamización Empresarial
Izquierda Xunida-Bloque por Asturies-Los Verdes apuesta por dinamizar el sector empresarial xixonés, creyemos en Xixón como’l motor económicu d’Asturies y por ello ye necesario planificar les actuaciones que se van desenvolver nesi sen durante los prósimos mandatos. IU-BA-LV considera que s’han de potenciar los recursos en I+D+I mediante l’aprovechamientu de los Programes Marco de la Unión Europea, que lleguen a la so 7ª convocatoria ensin que nunca se desenvolvieran n’Asturies o en Xixón. A partir d’esti tipu de programes tenemos como oxetivu desenvolver dafechu a la empresa xixonesa, mediante la collaboración ente la iniciativa privada y la iniciativa pública. Apoyar a les PYMES xixoneses, pa innovar y competir, dende les instituciones públiques ye un deber políticu qu’IU-BA-LV va fomentar a lo llargo de los prósimos cuatro años. Pa ello vamos proponer la creación d’una Empresa Mixta cola participación de los y les empresaries y l’Ayuntamientu pa xestionar esti programa en Xixón.
El 7 Programa Marco de la UE qu’entama en 2007 y concluye en 2013 tien como oxetivos favorecer la investigación y el desarrollu de nuevos recursos en campos como l’alimentación, la salú, la tecnoloxía de la información y comunicación, les nanocienciesen tolos sos ámbitos, el desarrollu de les enerxíes renovables pa la llucha contra’l cambiu climáticu, el tresporte, les ciencies socioeconómiques, asina como fomentar la seguridá llaboral.
Un programa nel que la collaboración de les instituciones locales, autonómiques y educatives cola pequeña y mediana empresa xixonesa va garantizar l’aplicación de medíes conducentes a apoyar l creación de nuevos texíos industriales na ciudá y n’Asturies.
UN PACTU LOCAL COLOS EMPRESARIOS DE XIXÓN pa xestionar el Plan de Dinamización Empresarial, alredor de los oxetivos que vienen darréu:
1.- Crear un marcu afayadizu en Xixón pa propiciar la incorporación de les PYMES al retu de la I+D+I y ayudales na elleboración de propuestes al VII Programa Marcu, facilitándo-yos l’accesu a los diferentes programes y organismos.
2.- Facilita-yos l’accesu a los programes d’esportación y a les polítiques desarrollaes por Asturex, l’ICEX, les cámares de comerciu, etc.
3.- Máximu respetu a la creatividá y idegues de les empreses y les persones cuidando que naide nun s’apropie de les idegues ayenes, estimulando asina la presentación de propuestes imaxinatives por parte de les PYMES y incentivando, por últimu, la presentación de proyectos d’I+D+I acoyíos al Programa Marcu de la UE.
4.- Optimizar l’usu eficiente de los recursos que los diferentes organismos europeos, estatales, autonómicos y llocales ponen a disposición de los nuesos empresarios y empresaries pa meyorar la so competitividá, garantizando asina meyores resultaos que redunden a la so vez nun sólidu parque empresarial de PYMES en Xixón con mayores niveles d’emplegu estable y de calidá.
Esti plan va xestionase mediante una empresa mista con participación municipal y empresarial a partes iguales con implicación asinamesmo de la Cámara de Comerciu de Xixón, si los sos órganos de xestión lo consideren afayadizo a los sos intereses. Esta empresa habrá tener un plazu llimitáu na so duración hasta la fin del 7PM, ye dicir 2013.