por una educación pública, llaica, asturiana y de calidá
Les corrientes neolliberales, les qu’afecten a la ciudadanÃa mediante la privatización de los servicios públicos esenciales, tienen puestu’l so puntu de mira na educación pública, la que quieren amestar pal so negociu. Dende Izquierda Xunida-Bloque por Asturies-Los Verdes consideramos que la educación ye un derechu que tien de sofitar la igualdá social, un derechu a desenvolver dende lo público.
Nel mandatu 2003-2007 Izquierda Xunida-Bloque por Asturies mediante la ConceyalÃa d’Educación de Xixón desenvolvió una rede d’escueles de 0-3 años de carácter públicu que da atención a la mayorÃa de les zones del conceyu, pal prósimu periodu ta’l nuesu compromisu de facer otres cinco nel periodu 2007-2013. Una apuesta pola educación pública y de calidá que s’apoya en aportaciones presupuestaries pa iguar la rede de centros públicos.
V.3. Un Xixón educativU
IV.3.1. El contesto educativu xeneral
Una reivindicación básica de les organizaciones polÃtiques y los movimientos sociales qu’acabaron converxendo no que, entovÃa güei, entendemos como izquierda, foi l’absoluta necesidá de contemplar la educación como instrumentu fundamental pa garantizar la igualdá social y de derechos básica ente tolos ciudadanos. Tradicionalemente, los poderes públicos fueron consideraos como parte imprescindible p’asegurar el cumplimientu d’esta misión que, práuticamente, toles cartes magnes democrátiques reconocen.
Actualmente, como en tantes otres cuestiones, asistimos a la operación d’acosu y desgaste del derechu a una educación pública, llaica y de calidá por parte de les polÃtiques neolliberales impuestes dende les cúpules del Estáu y na so complicidá con intereses privaos. Si la primer etapa de gobiernu del PSOE supuso un enorme desengañu y la ofensiva brutal del PP –por mediu d’una protestada llei de Calidá de la Enseñanza- trayÃa un mal disimuláu intentu de minar el sistema públicu d’enseñanza, la esperanza puesta na llegada de Zapatero al poder prontu se vió ensolombrada cola aprobación d’una Llei Orgánica d’Educación que nun algamó los obxetivos que la izquierda ambicionaba.
La reducción de gastu públicu, los intentos privatizadores, la xeneralización de los conciertos educativos (llevada a cabu mesmo pol PSOE como pol PP), asina como un reforzamientu del poder y la influencia de dalgunes órdenes relixoses, amenacen seriamente esti preséu igualitariu que deberÃa ser la educación.
¿Y Xixón? Ciertamente, disponemos d’una rede de centros públicos mui estimables no que respecta a infraestructures, calidá de serviciu educativu, oferta estraescolar, cultural, deportiva, etc. El méritu d’estos llogros correspuende, ensin dulda, a la llarga llucha de la ciudadanÃa xixonesa dende finales del franquismu y a la vixilancia y conciencia que mantién en rellación a la importancia de la enseñanza pública. Tampoco queremos obviar el papel de les instituciones municipales que, durante munchu tiempu, impulsaron polÃtiques abondo satisfactories en defensa de la enseñanza; polÃtiques nes qu’IX xugó un fundamental, sobre too nestos últimos 4 años nos que detentamos la ConceyalÃa d’Educación.
Dende ella IX puso en marcha 7 Escueles Infantiles Municipales de 0-3 años, dalgo imposible de comparar con otros conceyos d’Asturies, y en sólo 4 años. El nuesu oxetivu ye que tolos barrios de Xixón con necesidaes poblaciones, puedan disponer d’a lo menos d’una Escuela Infantil Municipal.
De toes formes, los problemes xenerales que señalamos más arriba perviven entovÃa, puesto que l’empeñu d’IX nos últimos años nun foi secundáu polos nuesos socios de gobiernu nel Principáu d’Asturies, que son los detenten la responsabilidá. La dualización de los centros escolares (y poro de la mesma sociedá escolar xixonesa) sigue reproduciendo un esquema clasista nel que la mayor parte de los centros privaos-concertaos orieéntense a les clases medies o altes y se prautica la esclusión d’importantes segmentos del alumnáu por motivos culturales o académicos. Pol contrario, son los centros ubicaos nos barrios los que se deben enfrentar les complexes situaciones qu’aquexen a los colectivos más desfavorecÃos de la nuesa ciudá (emigrantes, alumnos con dificultaes, etc.). En munchos casos, esta indispensable llabor realÃzase ensin la imprescindible dotación mÃnima. Ye curiosu que se sigan desviando fondos públicos pa financiar aquellos centros que permiten la reproducción de les inxusticies arriba señalaes. Pero ye una triste realidá.
Dalgo asemeyáu pasa colos ciclos de Formación Profesional de la nuesa ciudá, que siguen siendo insuficientes mientres se subvencionen y financien academies privaes. Amás cola nueva integración de los tres subsectores de la FP en sólo un nun se dieron pasos pa l’asunción de toes estes enseñances pola Escuela Pública, más allá de la polÃtica d’allumón que supón la creación de dos Centros Integraos de FP na Escuela d’HostelerÃa y na Universidá Llaboral. Siguimos ensin cuntar con ciclos d’inserción llaboral afayadizos p’atender a tolos colectivos en situación de rechazu o esclusión. Y, por últimu, les meyores na dotación de comedores escolares, trabayadores sociales, etc., nun pueden tapecer les importantes llagunes que podemos detectar na rede pública.
V.3.2. El proyectu educativu d’Izquierda Xunida- Los Verdes-Bloque por Asturies pa Xixón
V.3.2.1. El Conseyu Escolar Municipal: representación y participación
Esti Conseyu ye l’órganu de representación y de participación ciudadana básicu pal diseñu de cualesquier proyectu educativu dignu. Nelli tán representaos tolos sectores sociales implicaos na educación (AMPAS y sindicatos, partÃos polÃticos, representantes de la ConseyerÃa d’Educación d’Asturies, alumnos y alumnes y presidÃu pola Conceyala d’Educación) y tuvo una medria espectacular embaxo’l nuesu mandatu, aconceyando tolos meses y planificando la polÃtica educativa de la ciudá dende la participación.
P’algamar entovÃa más de lo fecho ye imprescindible qu’haya una medria de les competencies del conseyu si queremos que pueda ser capaz de facer analises, suxerir intervenciones, establecer diagnósticos y collaborar activamente nel diseñu y planificación del nuesu modelu educativu local.
Les sos competencies han abarcar la planificación de la ufierta, la distribución y racionalización de los sos recursos y l’alumnáu de los centros públicos, la planificación de les actividaes estraescolares y complementaries. Too ello ha reflexase na ellaboración d’un informe añal sobre la situación escolar del conceyu pa la so discusión nos órganos de gobiernu municipales. El Conseyu Asesor Municipal, en llinia con tolo espuesto enantes, tien d’exercer un control efectivu sobre los peligros de la concentración u masificación escolares. SerÃa necesario dotar a esti órganu d’atributos talos como’l nomamientu de la Comisión d’Escolarización de la ciudá y promover la so capacidá pa empobinase a instancies tales como la Xunta Xeneral y la ConseyerÃa d’Educación, cola fin de que s’estudies les sos propuestes. Amás diba ser necesariu que pudiera participar na planificación de les actividaes complementaries y estraescolares de los centros.
V.3.2.2. Propuestes pa Xixón: Un nuevu impulsu democratizador y popular
N’Izquierda Xunida-Bloque por Asturies-Los Verdes tamos por una Escuela pública, gratuita, democrática, de calidá, integradora y llaica.
-Una escuela pública, esto ye, de tiularidá pública, porque la educación nun ye un negociu y tien que quedar al marxe de criterios de mercáu; esta escuela tien de garantizar la educación de toos y toes ensin esclusión. Una escuela que seya’l marcu de socialización, integración y aprendizaxe de la nuesa población infantil.
-Una escuela democrática, onde s’exerza la democracia, y prepare a los alumnos pal exercicu democráticu; entiéndese la escuela como l’ámbitu educativu onde se garantice la participación de los estamentos que componen la comunidá educativa: profesores, padres, alumnos, personal non docente, instituciones municipales; una xestión democrática que recupere la capacidá pa elixir los equipos direutivos de los centros.
-Una escuela de calidá: Qu’asegure la educación de tola población infantil, en tola so diversidá, cuntando colos medios materiales y humanos abondo p’asumir cola debida dignidá, la xera d’educar al alumnáu, cualquiera que seya la so situación. Una escuela na se garantice y asegure’l respetu ente los que tienen el deber d’enseñar y el deber y derechu de deprender. Una escuela que prepare pa la vida y el trabayu.
-Compensadora de les desigualdaes que por razones de tipu social o de cualesquier otru tipu esisten na nuesa sociedá.
-Integradora de los alumnos diferentes por mor de la cultura, discapacidá o problemes d’aprendizaxe: De los inmigrantes, alumnos con dificultaes, minorÃes étniques.
-Llaica, onde les creyencies relixoses permanezan al marxe de la escuela. La escuela llaica ye la más respetuosa cola pluralidá de creos ya ideoloxÃes qu’esisten na nuesa sociedá. La escuela de titularidá pública pertenez a l’alministración del estáu, que representa a tola ciudadanÃa por igual; polo qu’esta escuela nun se pue identificar cola relixón d’un determináu colectivu, lo qu’implicarÃa la espulsión de los demás.
-Asturiana, onde la nuesa llingua y la nuesa cultura ocupen l’espaciu que merecen y salgan de la marxinación en que la mantuvieron hasta’l presente.
1. Rede Escolar
           a) Competencia Compartida.
      Un de los principales problemes que dende IX nos alcontramos a la hora de desenvolver la nuesa polÃtica na ConceyalÃa d’Educación. La planificación escolar, por exemplu, que diba ser más cenciella de desenvolver dende’l conceyu pola so cercanÃa, depende de la ConseyerÃa, y dexa al Ayuntamientu a la al debalu de les decisiones que se tomen dende fuera de la ciudá.
      Poro, creyemos necesario establecer criterios comunes de matriculación dende la creación d’oficines úniques y de la coxestión del sistema cola conceyalÃa. Nesti sen, propondráse a la ConseyerÃa d’Educación una nueva normativa sobre’l procedimientu d’almisión del alumnáu, que va crear una Oficina única de matriculación, trespasando a la conceyalÃa’l procesu d’almisión del alumnáu.
      Les Oficines Municipales d’Escolarización, embaxo la dirección de la correspondiente Comisión de Matriculación, van asumir les competencies de tramitación, baremo y aplicación de les normes llegales que rixan el procesu de preinscripción y matriculación del alumnáu de los centros docentes mantenÃos con fondos públicos. Les oficines tamién van tener la función d’orientar ya informar a les families de la ufierta educativa esistente, ensin prexuiciu de la información que puedan ufrir los mesmos centros.
Esixir la puesta en práctica de la Disposición Final Primera de la LOE, en rellación a los Conseyos Escolares de los Centros Concertaos.
b) Rede de 0-3 años.
           Nestos cuatro años de Gobiernu Plural de la izquierda, la rede de 0 a 3 años sufrió un importante impulsu al pasar de los tres centros esistentes en 2003 a los siete colos que va finar esti 2007. Pesie a esti avance, entovÃa mos queden munches coses por facer nesta rede, que supón una pieza fundamental na conciliación de la vida familiar y llaboral y que supón l’entamu de la educación nos más pequeños y pequeñes.
      Una de les prioridaes tien de ser la integración de les tres redes d’escueles 0-3 esistentes na ciudá nuna rede única dependiente de la ConceyalÃa d’Educación. Amás, en base a la medra de la ciudá y a l’alta demanda de places nestos centros, faese necesariu la creación de nuevos centros y d’ampliación de la ufierta yá esistente na ciudá.
c) Rede de Primaria.
           Como señalábamos primero, esiste en Xixón una rede satisfactoria de centros públicos, rede que va quedar perfeccionada cola inminente y históricamente demandada creación d’un gran colexu nel Centru de la ciudá que por fin, y pesie a los innumerables problemes alcontraos, yá ta dando los sos primeros pasos.
      De toes formes, esto nun pue significar que mos relaxemos pensando que too ta yá fecho. La Ciudá medra d’una manera imparable, y esos nuevos grupos de población demanden servicios ente los que s’alcuentra, como nun podrÃa ser d’otra forma, la educación. Poro, va haber qu’estudiar con calma la necesidá de crear nuevos centros públicos nes zones onde seya afayadizo, evitando asina qu’eses unidaes cúbranse a través de conciertos con entidaes privaes.
d) Rede de Secundaria
Garantizar el tresporte de la enseñanza non obligatoria nes zones rurales, pol principiu de la igualdá y oportunidá pa toos y toes. Utilizando la rede de tresporte qu’hai pa la enseñanza obligatoria.
Tamién en Secundaria la rede de centros públicos disponibles ye abondo, anque creyemos que en Bachilleratu ye necesario consolidar el Bachilleratu ArtÃsticu en más IES de la ciudá.
L’antigüedá de munchos de los centros, y el mal mantenimientu que tuvieron esixe una revisión del estáu de les instalaciones, asina como una dotación prespuestaria afayadiza pa una rehabilitación en profundidá d’estos centros.
d) Formación Profesional
Tamién la Formación Profesional reglada alcuéntrase acosada por proyectos de privatización más o menos encubiertos. Poro ye imprescindible combatir esta tendencia mediante un efectivu sistema públicu de Formación Profesional reglada, siempre empobináu a proporcionar a la sociedá asturiana bonos profesionales cualificaos. Esti oxetivu pasa por un funcionamientu más áxil y eficaz del Conseyu de Formación Profesional d’Asturies, revitalizándolu mediante la construcción d’un modelu especÃficamente asturianu qu’integre los tres subsistemes esistentes.
Esta coordinación de los subsistemes reglada, ocupacional y continua tien como oxetu principal la racionalización de la ufierta y evitar la dispersión y duplicidá d’organismos. Como ye lóxico, Izquierda Unida-Bloque por Asturies sofita la constitución d’especialidaes de Formación Profesional na enseñanza pública.
Xixón necesita una comisión de Formación Profesional integrada nel marcu del Conseyu de Desendolcu Local pa garantizar la sintonÃa ente la ufierta de la FP, la polÃtica industrial y los planes de desendolcu locales. Ye dicir, reconocer la importancia de la FP nun modelu de ciudá que siga apostando pol desarrollu industrial y la creación d’emplegu na ciudá que siga apostando pol desarrollu industrial y la creación d’emplegu de calidá.
Esta integración de la FP nes polÃtiques económiques locales pasa por una ampliación de la ufierta pública de FP reglada en ciclos formativos de grau superior (rellacionaos coles titulaciones del Campus de Viesques), la creación de ciclos d’inserción profesionales en tolos IES qu’incorporen dignamente a aquellos sectores del alumnáu que nun quieren siguir otru tipu d’estudios y, dende llueu, enanchar mesmo la ufierta como los perfiles de la mesma hacia muyeres y inmigrantes. Izquierda Unida-Bloque por Asturies cree que ye necesariu reducir la rato actual de trenta alumnos por aula por considerala escesiva.
2. Una escuela integradora.
DicÃamoslo enantes: pa Izquierda Xunida-Bloque por Asturies-Los Verdes la escuela sostenida con fondos públicos tien de ser una escuela integradora, onde les diferencies por mor de la raza, sexu, relixón o otres d’esi calter nun esistan. La realidá social na nuesa ciudá ta cambiando, cada vegada ye más frecuente la incorporación d’alumnos provenientes d’otros paÃses y cultures, y esti fechu, lloñe de tene-y mieu, tien de suponer l’enriquecimientu de la nuesa educación y de la nuesa mocedá.
           a) Inmigración
Ye yá una realidá que la sociedá nel Estáu Español ta cambiando. En pocos años, pasamos de ser un paÃs d’emigrantes a acoyer nes nueses ciudaes a munchos inmigrantes que vienen al nuesu paÃs en bisca d’un meyor futuru. Y la escuela, imprecindiblemente, nun pue dexar d’atender esta nueva realidá.
Poro, dende Izquierda Xunida-Bloque por Asturies-Los Verdes proponemos que se faga un estudiu de situación del alumnáu inmigrante que derive na celebración na nuesa ciudá d’un Congresu pa tratar el tema, convertiendo a Xixón en ciudá de referencia en cuanto a l’atención del alumnáu inmigrante.
Tamién va desenvolvese un Plan d’Acoyida Municipal d’alumnos y alumnes inmigrantes, que coordine a les diferentes conceyalÃes implicaes nesta cuestión (Servicios Sociales, Educación….) pa una meyor atención a estes persones. Esti plan que necesariamente tien de trabayar coles families, habrá tener un siguimientu por parte d’una comisión lliderada dende la ConceyalÃa d’Educación, na que tean implicaes mesmo les propies families como les direcciones de los centros.
Amás, otru de los pegoyos fundamentales en cuantes a la inmigración tien de ser l’apoyu definitivu a la formación del profesoráu, que col sofitu y total implicación de la ConceyalÃa, habrá desenvolvese dende’l Centru de Profesores y Recursos.
Por último, yá como propuestes más concretes, podemos señalar les siguientes:
a)           Comisión d’escolarización qu’estableza criterios pa evitar la masificación d’estos alumnos y distribuyilos pa establecer mecanismos de compensación.
b)           Facilita-yos la participación n’actividaes deportives culturales y educatives.
c)           Establecer presupuestos p’ayudes: Comedores, llibros, viaxes, etc.
d)           Crear una comisión pa mediar nos conflictos.
En cuantu al colectivu d’adultos:
CrearÃase una Comisión Mixta (Profesores, inmigrantes y alministración) que se plantegarÃa:
a)     Ampliar les ufiertes d’español pa estranxeros.
b)Â Â Â Â Â Incluyir nos programes contenÃos multirraciales.
c)     Atender a la formación de muyeres inmigrantes.
b) Atención al alumnáu en riesgu d’esclusión social.
Nos últimos años, viénense desenvolviendo na nuesa ciudá diferentes programes, fundamentalmente dende entidaes ensin ánimu de lucru, que trabayen con alumnos y alumnes que por delles razones enmárquense nun grupu con riesgu de quedar escluyÃos mesmo social como educativamente, como pueden ser los programes de la Fundación Secretariado Gitano, el Proyecto Lumbre, etc… En primer llugar tenemos que señalar que munchos d’estos programes y proyectos se tán desenvolviendo con fondos de la Unión Europea, fondos que podrÃen tar en riesgu de acabar. Poro, la nuesa primer apuesta ha ser el mantenimientu d’estos programes más allá de les subvenciones de la UE, implicando a les diferentes conceyalÃes competentes y al Gobiernu d’Asturies.
Como propuestes concretes, podÃemos destacar les que vienen darréu::
a)     Potenciar la presencia de los y les educadores y los y les mediadores na Escuela pa que puedan acompañar a los alumnos y les alumnes al so cargu na so incorporación a la vida escolar..
b)     Continuidá de les subvenciones a esti tipu de programes, pa que l’actividá nun quede interrumpida en determinaes époques del añu.
c)     Proponer a la ConseyerÃa d’Educación, como esperiencia pilotu, la inclusión del Educador nel organigrama de la Escuela, como se fizo en Comunidaes como Extremadura y Valéncia.
d)     Intervención coles families, facer trabayos e sensibilización coles mesmes.
e)Â Â Â Â Â Asignar trabayadores sociales de les UTS esistentes a los centros, p que timen desendolquen el so trabyu nos mesmos..
f)       Coordinación ente los profesionales qu’inciden nel alumnáu.
g)     Estudiar la posibilidá d’aumentar les beques de comedores a los periodos vacacionales.
h)     Optimizar y coordinar los diferentes recursos esistentes na ciudá.
3. Programes Educativos, una forma de facer ciudadanÃa.
Nesti mandáu 2003-2007 alcontrámosmos cola dificultá de que si bien IX-BA xestionó la conceyalÃa d’Educación, la inversión municipal en metÃa de programes educativos dependÃa de la ConceyalÃa de Cultura, lo que reducÃa les nueses posibilidaes de desenvolver polÃtiques nesti sen. Poro, la pretensión e nueso ye que la sección e Programes Educativos de la Fundación Municipal de Cultura y la Universidá Popular pasen a depender el próximu mandatu esclusivamente de la ConceyalÃa d’Educación, pa dotar d’un contenÃu real a la ConceyalÃa.
           Una vegada fecha esta tresferencia competencial, dende la ConceyalÃa y el Conseyu Escolar Municipal, y en coordinación colos conseyos escolares de los centros, procederÃase a diseñar programes de conocimientu, integración, desendolcu del alumnáu na vida de la ciudá, etc… Estos programes van xirar en tornu a estos temes:
           a) Educación pa la salú:
Creación d’una Escuela Popular de Salú. Nesti sen, impartirÃanse cursos y talleres básicos, y d’afondamientu sobre la salú fÃsica, emocional y social, y osbre actividaes qu’influyen na mesma (agricultura biolóxica, educación medioambiental, seguridá llaboral̷ 
na Universidá Popular.
ContarÃase con locales a disposición de colectivos venceyaos cola Salú en tolos aspeutos (ecoloxistes, grupos d’apoyu mutuu, asociaciones d’enfermos, plataforma contra les antenes̷
Nesta direición formarÃanse promotores de salú pa que fomenten en dellos ámbitos (escueles, institutos, asociaciones, la cai) a profesoráu y educadores nel Centru de Profesores y Recursos.
ImpartirÃase formación complementaria pa los y les profesionales de la salú y del ensiñu: apoyu emocional, rellaciones cooperatives, resolcuión de conflictos…
Na creación d’esta Escuela Popular de Salú, y na so posterior dirección tendráse mui en cuenta la participación ciudadana, buscando la meyor manera y la forma más eficaz de facelo poro:
·        Potenciar la constitución de Conseyos de Salú de Distritu.
·        Promover y potenciar la regulación de medicines alternatives.
·        Promover y apoyar la llactancia materno, cola participación de los colectivos que yá trabayen nesta direición.
·        Educar a padres, madres y educadores nel respetu y los bonos trataos a neños y neñes.
·        Garantizar la calidá de los comedores escolares, aumentando’l consumu de frutes, verdures y frutos secos y de cultivu biolóxicu.
a) Mediu Ambiente:
Programes de Desarrollu Sostenible concienciación de la importancia del recicláu y reutilización, con visites los Puntos Llimpios, usu d’enerxÃes alternatives, etc… Hasta que la ConseyerÃa d’Educación nun modifique la so polÃtica consumista y despilfarradora respeuto a los llibros de testu, mantener el programa d’intercambiu de llibros.
Recréu na Natura. Recuperar esti programa pa que los alumnos y alumnes de la ciudá conozan y disfruten los espacios naturales del nuesu conceyu, deprendiendo al mesmu tiempu a conservalos y cuidalos.
b) Cultura:
Visites planificaes, guiaes y de baldre a la rede de museos de la ciudá, pa que la mocedá conoza’l padremoñu de Xixón.
Visites a les esposiciones puntuales que se celebren na ciudá y que seyan d’interés especial pa los y les estudiantes.
Realización de selmanes de convivencia inter-centros.
c) Participación:
Programes de concienciación del alumnao de la importancia de la so participación nos centros; nos Conseyos Escolares y nes Asociaciones d’Alumnos.
d) Seguridá y Prevención:
Programes de concienciación al alumnáu en temes de seguridá, prevención d’accidentes, etc…
Realización periódica de simulacros d’evacuación de los centros pa conocer el grau del Plan d’Emerxencies y la so eficacia.
Cursos de Primeros Auxilios, estinción d’incendios, etc…
e) Otres actividaes estraescolares.
Dientro de los programes educativos, la ConceyalÃa d’Educación tien de desenvolver otres actividaes que complementen mesmo al currÃculu escolar como estos programes. Estes actividaes han ser pa tola ciudá, implicando a tolos centros sostenÃos con fondos públicos. Dende Izquierda Xunida-Los Verdes-Bloque por Asturies proponemos:
Â
1.     Selmana de la Paz y la Solidariedá en collaboración con ONGD’s y el Conseyu Municipal de Cooperación y Solidariedá Internacional.
2.     Selmana de la Movilidá, pa fomentar l’usu del tresporte públicu, la bicicleta como vehÃculu na ciudá, etc…
3.     Selmana contra la violencia de xéneru.
4.     Selmana de la Memoria Histórica desenvolviendo actividaes que permitan a la mocedá conocer la historia de los sos güelos y güeles, la Guerra Civil, l’Holocaustu, la Transición…
Tamién ye importante la realización de colonies y campamentos e branu, pa siguir fomentando la convivencia ente la mocedá más allá del periodu llectivu, y desenvolver contenÃos educativos más allá del cursu escolar.
4. Los centros educativos como espaciu abiertu a la comunidá.
Actualmente, entamóse una llinia col Programa d’Apertura de Centros que pretende fomentar que los Centros escolares seyan una referencia pa la comunidá, nun sólo pa los y les estudiantes y les sos families. Nesti sen, tiense de potenciar esta apertura, y convertir a los centros como espacio vertebraos de la vida nos barrios.
P’algamalo, amás d’utilizar les instalaciones educatives pa facer actividaes extraescolares, dende Izquierda Xunida-Bloque por Asturies-Los Verdes proponemos qu’estos espacios abran n’horariu non llectivu pa que les asociaciones de vecinos o de cualesquier otru calter les puedan utilizar como espaciu común, potenciando asina l’averamientu ente la ciudadanÃa xixonesa cola Escuela.
Tamién proponemos la realización d’actividaes lúdico-educatives nos centros, y la creación d’aules d’apoyu con personal docente pa los y les alumnes que lo precisen, ensin necesidá de recurrir del sector priváu.
Amás, pa los y les estudiantes, ye fundamental que puedan facer actividaes d’estudiu, usu de biblioteques, etc… nos centros fuera del horariu llectivu, y que vean el so centru como un espaciu propiu y non como un sitiu al que nun-yos queda otru remediu que dir unes hores al dÃa. Â
V.3.2.3. El Plan d’Usos de la Universidá Llaboral
La memoria ye fráxil. Hai cuatro años, IX foi l’únicu grupu polÃticu que concurrió a les elecciones con un plantegamientu global respeutu a los usos de la Universidá Llaboral. Pasáu’l tiempu de la negociación de les tresferencies, el Gobiernu asturianu decide poner en marcha (¡por fin!) un Plan d’Usos integral. De toos ye sabÃo la importante polémica que rodeó a esti plan. Un de los puntos más cuestionaos ye’l más que posible perxuiciu que pue causase a la ufierta educativa mesmo del IES como del nuevu Centru Integráu pa la FP. La contrapartida ye un proyectu con demasiaos indicios d’improvisación y inconsistencia. Izquierda Xunida-Bloque por Asturies-Los Verdes rechaza’l Plan d’Usos promovÃu pol Gobiernu y insiste nes siguientes alternatives:
a)   La finalidá principal del Plan d’Usos tien de ser educativa y cultural. La construcción d’hoteles y la so esplotación por parte d’empreses privaes significa una espropiación inaceptable del padremoñu colectivu de los y les xixoneses. En tou casu, resulta muncho más deseable y razonable la construcción d’una residencia p’alumnos universitarios y universitaries y de FP.
b) Les ufiertes educatives actuales deben potenciase entovÃa más.
c) Izquierda Xunida-Los Verdes-Bloque por Asturies considera necesaria la construcción d’una Residencia embobinada mesmo a universitarios como a alumnos y alumnes de FP nos espacios de la Universidá Llaboral.
V.3.2.4. Enseñances Superiores ArtÃstiques
           Izquierda Xunida-Bloque por Asturies-Los Verdes propón la creación del Conseyu Superior d’Enseñances ArtÃstiques d’Asturies, que va regular la enseñanza d’estes disciplines na comunidá de mou que s’adauten y seyan homologables dientro del Espaciu Européu d’Enseñanza Superior. Asinamesmo va garantizase que los y les alumnes d’estes enseñances tengan la posibilidá de facer los estudios de doctoráu n’Asturies.
V.3.2.5. Universidá: el Campus de Viesques
Izquierda Xunida-Los Verdes-Bloque por Asturies considera que, dalcuerdu cola concepción de la enseñanza superior como parte sustancial del so proyectu educativu igualitariu y democráticu, el Campus de Viesques –orientáu a la empresa mesmo na so vertiente tecnolóxica como d’organización y xestión- tien e xugar un papel clave na salida de la fonda crisis qu’atraviesa Asturies. Conscientes de la necesidá de concretar esti compromisu, proponemos les siguientes exes d’actuación y midÃes:
a) Ordenación especial del Campus de Viesques como sé de la enseñanza, la investigación y los y les universitaries xixoneses.
b) Integración de la Universidá Llaboral nel propiu Campus en toles sos facetes.
c)   Integración na Universidá de les Escueles Universitaries de Trabayu Social y Rellaciones Llaborales.
d) Reserva de suelu en tornu al Campus, asegurando l’ampliación futura de les titulaciones actuales o la implantación d’otres nueves.
e)   Dotación de servicios como residencies d’estudiantes, guarderÃes, comedores, instalaciones deportives…, asina como d’una plantiya de personal nes condiciones adecuaes pa garantizar el funcionamientu de tales servicios.
f) Organización espacial coherente, integrando de manera harmónica los espacios de la Universidá Llaboral, el Parque Tecnolóxicu y el mesmu Campus.
g)   Asignación de recursos materiales y docentes abondo pa garantizar la calidá de la enseñanza y la investigación. Pa ello resulta abondo pa garantizar la calidá de la enseñanza y la investigación. Pa ello resulta imprecindible cuntar con equipos de profesores estables.
h)   Revisión de les comunicaciones del Campus, de mou tal que tando integráu ciudá y suficientemente aislláu como pa facilitar les xeres docentes, alcuéntrese ensin los grandes problemes derivaos del sistema de comunicaciones actual (ruidos, atascos, etc.).
i)  Creación de departamentos lligaos al Campus de Xixón nes aries de conocimientu nes que la docencia mayoritaria impártase en dichu Campus, cuntando cola correspondiente dotación presupuestaria.
j)  Reforzamientu de los servicios d’alministración y xestión, evitando asina los tresllaos innecesarios a Uviéu.
k)   Ampliación de les titulaciones esistentes y implantación de nueves titulaciones nel marcu d’una planificación racional y con perspectives de futuru pa la Universidá asturiana. Too ello Ãntimamente venceyáu a les necesidaes d’Asturies no que se refier a la formación superior y la so conexón coles polÃtiques de desendolcu afayadices.
l)  Fomentu, dotación y sofitu a les llinies d’investigación realizaes dende’l Campus.
V.3.2.6. Universidá Nacional d’Educación a Distancia
Nesti momentu, la Universidá Nacional d’Educación a Distancia cuenta con 5.000 alumnos matriculaos. Esta cifra da una bona indicación de les necesidaes que ye imprescindible cubrir pal so bon funcionamientu. El Patronatu Rector, compuestu pola UNED, l’Ayuntamientu de Xixón, Gobiernu d’Asturies y Caxastur ha asumir la responsabilidá de los gastos nel treslláu d’instalaciones, asina como de mantenimientu, profesoráu y alministración d’alcuerdu col incrementu del coste de la vida.
Pensamos que la incertitú respeutu a una ocupación digna nun fai sinón empantanar el desendolcu d’una entidá educativa que supón el 30% de tola población universitaria de Xixón y, incluso, pue llegar a afeutar al mesmu futuru de la UNED na ciudá.
Izquierda Xunida-Los Verdes-Bloque por Asturies plantega la ubicación de les instituciones de la UNED nel Campus Universitariu y que, polo tanto, nun quede desvinculada del Campus de Viesques. Tamién estimamos que les diverses unidaes del Patronatu Rector asuman los gastos contrayÃos pol treslláu forzosu de les sos instalaciones. El mantenimientu de les subvenciones pa personal y otros gastos de funcionamientu resulta otru puntu del máximu interés. Too ello cola intención de normalizar de manera definitiva esti importante serviciu educativu.